आज बधाई आज बधाई राधा जनमी… – Shri Radha Janam Badhai

Aaj Badhai Aaj Badhai Radha Janami Aaj Badhai

आज बधाई आज बधाई राधा जनमी आज बधाई ।।

आज भोर शहनाई बाजी राधा जनमी आई,

मोधू बलम जगावन लागी पलका ते लुढ़काई ।

भाज चली मैं भानुभवन कौ चोटी खुल लहराई,

देख न पाई धक्का लाग्यो जेठ गिरयो भहराई ।

देख खिस्याय गयो देवरिया नाछ्यो संग में आई,

पीछे ते चूतर में धक्का दै गेरी मेरी माई ।

उठके भाज गई भीतर ते खट्टी छाछ लै आई,

भरयो माट देवर पै डारयो हर गंगा अन्हवाइ ।

तौ लौं मोटी सास हमारी आई लिये बधाई,

ककिया सुसर को करके नंगों राति रही बजाई ।

माखन के गोला लै फेंके दधि की कीच मचाई,

गोपी ग्वाला गिर रहे ऊपर एक एक रपटाई ।

मोंहड़े खोल द्वार ते देखै बूढ़ी एक लुगाई,

लौनी घुसी पोपले मोहड़े चाटै जीभ बढ़ाई ।।

—–०—–