बाजै बाजै री बधाई मैया … – Shri Krishna Janam Badhai

Bajai Bajai Ri Badhai Maiya Tere Angna

बाजै बाजै री बधाई मैया तेरे अंगना ।।

बड़ौ अनोखों लाला जायो

श्याम रंग सबको मन भायो

ब्रजवासिन कौ मन हुलसायो

उमग-उमग सब चले नन्द घर बांधे बंधना ।

नन्द भवन ऐसौ सजवायौ

बैकुंठहु कौ दियौ लजायौ

सब लोकन ते घनो सुहायौ

टोल टोल गोपी उठ धाईं गावें मंगना ।

बाम्हन अपने वेद पढ़त हैं

नंद बाबा जू दान करत हैं

पाग पिछौरा ग्वाल लेत हैं

गोपिन को दियो लहंगा फरिया रतन जटित कंगना ।

नाच नाच के प्रेम दिखायौ

नन्द भवन में धूम मचायौ

देय असीस सबन मन भायौ

अरी जसोदा रानी तेरौ जीवै छंगना ।

——–०——–