अनोखो छैला ठाढो, मांगै दही.. – Dadhi Madhuri

Anokho Chhaile Thado, Mange Dahi Ko Daan

अनोखो छैला ठाढो, मांगै दही कौ दान ।।

दधि मटकी लै निकसी घर ते

आय मिल्यो जानें वह कित ते

देखन लग्यो एक टक टक ते

लकुटिया दै दियो आड़ो मारग रोक्यो आन ।

इत उत देखूँ कोई न पावै

लाज लोक की मोय डरपावै

भीतर ते जियरा सकुचावै

परयो मोपै यह गाढ़ौ कौन देय ह्वा कान ।

झटका पटकी करन लग्यो वह

फूटी मटकी दही चल्यो बह

मीठे बोल सुनावै कह कह

दही लैकें मुख माड्यो मैंने न राख्यो मान ।

आय परयो वह मेरे गोहन

अपनो मुख यह लाग्यो पोंछन

अंचरा छोरन साड़ी कोरन

प्रेम कौ सागर बाढ्यो ऐसी भई पहचान ।

 

—–०—–